পাঠ- ১ মোৰ দেশ ভাল
মোৰ দেশ ভাল কবিতাৰ আবৃত্তি তলৰ লিংকত সংলগ্ন কৰা হৈছে।
ক) কবিয়ে সকলো দেশত কৰি মোৰ দেশ ভাল বুলি গৌৰৱ কৰা দেশ বা ৰাজ্যখনৰ নাম কি ।
উত্তৰঃ- কবিয়ে সকলো দেশত কৰি মোৰ দেশ ভাল বুলি গৌৰৱ কৰা দেশ বা ৰাজ্যখনৰ নাম হ'ল - অসম ।
খ) ক'ত আছে এনে মাটি সৰগ- ফুলনি
ক'ত আছে এনে আই সোণৰ - গোসাঁনী
- পদ্যছোৱাত ঠাই আৰু আইক কিহৰ লগত তুলনা কৰিছে ।
উত্তৰঃ- পদ্যছোৱাত ঠাই আৰু আইক সৰগ- ফুলনি আৰু সোণৰ- গোসাঁনীৰ লগত তুলনা কৰিছে।
প্ৰশ্নঃ পদ্যটিত কবিয়ে কি কি শব্দ প্ৰয়োগ কৰি নিজৰ দেশৰ গুণ বৰ্ণনা কৰিছে লিখা ।
উত্তৰঃ পদ্য়টিত কবিয়ে নিজৰ দেশক - সোণৰ চপৰা, সুধাৰ নিজৰা, অমাতৰ মাত, সৰগ-ফুলনি, সোণৰ গোসাঁনী আদি শব্দ ব্য়ৱহাৰ কৰি গুণ বৰ্ণনা কৰিছে ।
নামৰ তালিকা কৰা ।
(ক) 'ক'ত আছে এনে ফুল বাৰমাহ'
বাৰমাহে ফুলা কেইবিধমান ফুলৰ নাম লিখা ।
ফুলৰ তালিকা
১। গোলাপ ২। কৰবী ৩। জবা ৪। চামেলি
৫। চম্পা ৬। কচন্দা ৭। নয়নতৰা ৮। জবা
(খ) ' ক'ত আছে এনে ধান এই ধৰণীত '
কেইবিধ মান ধানৰ নাম লিখা
* শালি
* ৰূপহী
* বৰা
* কেঁকুৰা বাও
* ৰঞ্জিত
* কাৱৈ বাদাম
* বিল ৱাঁও
* মাগুৰি
* জহা
* তৰা বাঁও
* লাকি শালি
তলৰ পদ্যকেইফাকি গদ্যৰূপত লিখা ।
ক) ক'ত আছে এনে মাটি সোণৰ চপৰা
ক'ত আছে এনে পানী সুধাৰ নিজৰা
উত্তৰঃ- এনে মাটি ক'ত আছে সোণৰ চপৰা
এনে পানী ক'ত আছে সুধাৰ নিজৰা
খ) ভাই - ভনী মিলি য'ত থাকোঁ চিৰকাল
সকলো দেশত কৰি মোৰ দেশ ভাল ।
উত্তৰঃ- য'ত ভাই - ভনী মিলি চিৰকাল থাকোঁ
মোৰ দেশ সকলো দেশত কৰি ভাল ।
জানো আহা-
মোৰ দেশ সকলোতকৈ ভাল। ইয়াৰ অৰ্থ, কবিয়ে পৃথিৱীৰ আনদেশবোৰৰ লগত তুলনা কৰি নিজৰ দেশখন সকলো দেশতকৈ ভাল বুলি কৈছে। এনেদৰে বহুতৰ লগত দোষ-গুণৰ তুলনা কৰিবলৈ বাক্যত সকলোতকৈ, সবাতোকৈ বা আটাইতকৈ আদি শব্দ ব্যৱহাৰ কৰা হ।
সকলােতকৈ , সবাতােকৈ , আটাইতকৈ আদি শব্দ ব্যৱহাৰ কৰি তলৰ বাক্যকেইটি সম্পূর্ণ কৰা
( ক ) ভাৰতৰ নদীবােৰৰ ভিতৰত গংগা আটাইতকৈ দীঘল আৰু ব্ৰহ্মপুত্র আটাইতকৈ বহল ।
খ) মাজুলী পৃথিৱীৰ ভিতৰত সকলোতকৈ ডাঙৰ নদীৰ দ্ৱীপ ।
গ) কাজিৰঙাৰ জীৱ- জন্তুবিলাকৰ ভিতৰত এশিঙীয়া গঁড় সবাতোতকৈ আপুৰুগীয়া ।
ঘ) আনৰ বস্তু প্ৰতি লোভ সকলোতকৈ বেয়া গুণ ।
শব্দৰ খেল খেলো আহাঁঃ
ভাল ➝ লতা ➝ তাম ➝মন ➝ নদী ➝ দীপ-লিপ ➝ পত্যাহ্বান➝ নমস্কাৰ ➝ ৰ'দ ➝ দৰা ➝ ৰাতি ➝ তিয়ঁহ ➝ হলৌ ➝ লৌকিক ➝ কলম ➝ মগনিয়াৰ ➝ ৰছী ➝ ছীল ➝ লয়লাস ➝ সভা
শব্দ গঠন কৰা
চিৰ
চিৰ + কাল - চিৰকাল
চিৰ + দিন - চিৰদিন
চিৰ + স্থায়ী - চিৰস্থায়ী
চিৰ + স্মৰণীয় - চিৰস্মৰণীয়
অনি
বন +অনি - বননি
ধান + অনি - ধাননি
ঘাহঁ + অনি - ঘাহঁনি
শাক + অনি - শাকনি
তলৰ বাক্য়াংশৰ লগত খাপখোৱা শব্দ পাত্ৰটোৰ পৰা বাছি উলিয়াই লিখা ।
চিৰদিন নমস্কাৰ কৰিবলগীয়া - চিৰনমস্য
মাহ খেতিয়ে জুৰি থকা ঠাই - মাহনি
চিৰদিন মনত ৰাখিবলগীয়া - চিৰস্মৰণীয়
বাঁহ গছেৰে ভৰি থকা ঠাই - বাহঁনি
বাক্য ৰচনা কৰা ।
অমাতৰ মাত - কুলিৰ মাততো অমাতৰ মাত ।
উলাহ- পখীলাটোৱে উলাহেৰে উৰি আছে ।
চিৰকাল - ৰামক ৰহিমে চিৰকাল পাহৰিব নোৱাৰে।
ধন্যবাদ। 🙏
Comments
Post a Comment